Sa pakighinabi sa DXDC RMN Davao kang PLT Col.Ronald Lao Hepe sa Sta.Ana Police Station gisulti niya, gawas sa mga pulis motabang usab ang mga sakop sa Police Auxiliary ug mga personahe nga i-augment gikan sa Davao City Police Office (DCPO).
Gipaneguro ni Lao, mabantayan ang seguridad sa katawhan panahon sa mga pasundayag sama sa dance competition, dragon dance ug uban pa.
“Naa naman tay gipang deploy tapus ato lang na dugangan kanang event na gyod”,sulti ni Lao.
Gipasabot sa opisyal, gidili ang paggamit og pyrotechnics atol sa selebrasyon subay sa gipatumang ordinansa nga mao ang firecrackers ban.
Panawagan niini sa mga Dabawenyo nga kanunay mag-igmat ug ireport gilayon sa kapulisan kung adunay makit-ang kadudahang mga kalihukan o butang nga ibilin.
RadyoMaN Don Pulayao
