Hugot nga seguridad para sa Panaad sa Negros Festival ginmandu ni Gov. Marañon

57

NEGROS OCCIDENTAL – Gin mandu ni Negros Occidental Governor Alfredo Marañon Jr ang hugot nga security measures sa natalana nga paghiwat sang Panaad sa Negros Festival.

Suno kay Gov. Marañon nga mangin mas vigilante karon ang mga security personnel bangud sa ginapaabot nga pagdagsa sang mga bisita sa amo kasunod sang natabu nga engkwentro sa tunga sang mga Abu Sayyaf kag military sa Bohol sang nagligad nga semana.

Ang Panaad Festival magasugod sa Abril 22 kag magalawig tubtub sa Abril 30.

Sa pihak nga bahin, gin confirm sang gobernador nga si Senator Sonny Angara ang mangin dinapit nga bisita sa isa sa mga highlight sang Panaad, ang Lin-ay sa Negros coronation night.

Kahapon ginpatigayon ang pre-pageant competition at the Fountain Area of Robinsons Place Bacolod sa diin nakua sang Lin-ay sang Pulupandan nga si Maria Angela Tañoso ang ‘Muse of the Media’ samtang ang Lin-ay sang Murcia nga si Ma. Paula Gibraltar ang nangin sang ‘Lin-ay nga Abilidaran’.

Facebook Comments