Davao City – Gi-intensify sa kapulisan ang seguridad subay sa hingpit nga pagsugod sa filling of Certificate of Candidacy (CoC) ugmang adlawa, Oktubre 11, sa mga buot magpapili sa 2019 midterm elections.
Atol sa gipahigayong AFP-PNP presser karong adlawa, gibutyag ni Police Regional Office 11 (PRO-XI) Deputy Regional Director P/Sr. Supt. Nolasco Bathan nga labihan nila nga hatagan og seguridad ang opisina sa COMELEC nahimutang sa Magsaysay Park ning syudad sa Davao.
“Para kung meron mang mga suspicious individuals na manggulat o mag disrupt ng filling of candidacy ay para ma prevent kaagad,” segun niini.
Gitataw ni Bathan nga padayon pa nilang ginaila ang mga election hotspots dinhi sa rehiyon gani sa pagkakaron nagapadayon ang ilang validation sa kanhing hotpsots aron mahatagan og deployment base sa gikinahanglan.
Subay niini, andam na usab ang kapulisan sa Davao bisan wala pa silay listahan sa mga election watchlist areas.
Sumala ni DCPO spokesperson P/Sr. Insp. Ma. Teresita Gaspan, maximum visibility sa kapulisan didto sa COMELEC lakip na usab ang deployment sa pwersa gikan City Mobile Force.
Walay kabalaka si Gaspan may kalabutan sa election related incidents human walay namonitor nga political rivalry dinhi sa syudad sa Davao sanglit kahinumdoman nga gipailawom sa category 2 election-related violence ang Districts 2 ug 3 sa milabay’ng eleksyon.
RadyoMaN Jason Amisola
tags; DXDC 621 RMN Davao
