Anan anam nang gipamati sa katawhan
Epekto sa pagsaka sa mga buluhisan
Domino effect ang iyang gidangatan
Padung ang pagbasol sa kagamhanan.
Presyo sa petrolyo nagsige og pagsaka
Hapit na gayod muparka sa singkwenta
Nag-unang palaliton perti nang mahala
Taga bukid labing apektado mga Kasama.
Publiko midiskarte og paghugot sa bakos
Dugay na nga nituslo ug una sa ginamos
Nisamot nata aning manimahong pan-os
Hugtan pa nato ang pangalyupo sa Dios.
Dili kaha kini mao unya ang sinugdanan?
Kun ang publiko sa paglaom mawad-an
Mangasuko ang katawhan sa kagamhanan
Hinaot unta nga dili kini maoy dangatan.
RadyoMaN Erin Lumosbog
Facebook Comments
