Pagadian City – Gi-uktaba una sulod sa usa ka semana sa kadumalahan sa Road Traffic Management Office kun RTMO ning syudad, ang strektong implementasyon sa Republic Act 10054 o Motorcycle _Helmet Act_ of 2009.
Kini ang gibutyag ni Retired Major Ricardo Marata ang labaw sa RTMO atol sa interview sa RMN-Pagadian, diin magsugod ang hugtanong pagpatuman sa maong balaod trapiko karon nang petsa 28 ning bulan sa oktobre.
Sigon ni Marata, sa nahibiling mga adlaw ilang ipakatag ang kasuyran sa nasangpit nga balaod aron dili makurat ang mga motorista ug tumong usab nga malugwayan pa ang panahon nga makatigom ug makapalit pa og dugang helmet ang mga nanag-iya sa motorsiklo.
Nasayran nga mokantidad sa 1,500 ang multa sa masakpan nga dunay angkas sa motorsiklo pan walay gisul-ob nga helmet diin lakip usab nga gidili ang over capacity sa motor ug gilimetahan lang sa duha ka angkas ang matag single motor.
Nanghina-ot si Marata nga mosunod sa gikalatid nga polisiya ang mga dumuduong ug lumulupyo sa syudad.
