Manila, Philippines – Isa pang miyembro ng Abu Sayyar Group ang naaresto ng militar sa Barangay Langpas Indanan Sulu kahapon ng umaga.
Kinilala ito na si Norham Bagadi ang pinsan ng sub-leader na si Aldij Bagadi alyas Sayning.
Sangkot si Bagadi sa panggugulo sa Brgy Langpas noong December 5 na ikinasawi ng tatlong mga inosenteng sibilyan at pagkasugat ng iba pa.
Ayon kay AFP Joint Task Force Sulu Commander Brigader General Cirilito Sobejana alas-9:15 ng umaga kahapon ng maaresto ang bandido ng mga nag-ooperate na miyembro ng 6th Infantry Batallion ng Joint Task Force Sulu.
Aniya naaresto rin ito dahil sa tulong ng miyembro ng Moro National Liberation Front o MNLF sa lugar.
Nakuha sa terorista ang isang kalibre 45 baril o (Remington 1911), magazines, rounds of ammo at blasting caps.
Sumasailalim na sa custodial debriefing ang bandido.
