Dipolog City – Kritikal ang kahimtang sa usa ka 28 anyos nga lalaki human giluba sa iyang ama-ama bandang 7:30 kagabii sa may Purok Orchid, Barangay Sinaman, dakbayan sa Dipolog.
Giila sa kapolisan ang biktima nalubaan nga mao si Onli Refuza alias Junrey, 28 anyos, dunay kapuyo samtang ang gitumbok nga suspetsado ang ama-ama niniing si Pedro Alferez Maghinay, 45 anyos, usa ka maguuma kinsa kauban ra sila sa pagpuyo sa susamang dapit.
Sa inisyal nga imbisitgasyon ni Police Corporal Rahjick Necesario imbestigador sa Dipolog PNP gibutyag niini nga parehong mga hubog ang biktima og suspetsado adtong higayuna nagkainitay diin naugkat ang karaan bikil hinungdan giunhan og luba sa ama-ama ang humablos nga biktima og maayong pagkahabwa sa tinai niini.
Daling hinuon misurender sa mga Barangay Tanod ang ang suspetsado dala ang kutsilyo nga gigamit sa krimen og gitugyan kini sa Dipolog City Police Station.
Samtang ang nasamdang biktima daling gidala sa Corazon C. Aquino Hospital ning dakbayan kinsa ubos pa sa obserbasyon sa mga doktor.
Sa interview sa rmn news team sa naprisong suspek gibutyag niini nga giunahan lang matud pa niya ang humablos kinsa nibahad kaniya nga siya patyon.
