Malaybalay City, Bukidnon – Nagpahimangno ang hepe sa Traffic Management Center kon TMC sa mga nagmaneho sakyanan nga mag-amping sa pagmaneho subay sa sunod-sunod nga aksidente sa kadalanan.
Nasayran nga karong semanaha lang sunod-sunod ang disgrasya sa national highway nga nahitabo sa Brgy. Laguitas ug Aglayan sakop ning siyudad sa Malaybalay, diin sa maong managbulag nga disgrasya mikalas kini ug duha ka kinabuhi.
Sa interview sa RMN Malaybalay ngadto kang Joseph Jabla, ang head sa TMC-Malaybalay gibutyag niini nga sa iyang obserbasyon halos human error ang hinundan sa aksidente sa kadalanan.
Sigun niini nga kasagaran sa mga nalambigit sa nga sakyanan naka-inom ang drayber.
Tambag ni Jabla sa mga drivers nga likayan na lang ang pag-inom kung magmaneho aron malikayan ang disgrasya.
Nanghinaut usab ang TMC head nga mapalabang na ang ilang gi-proposed nga traffic code sa siyudad tungod kay nakasukip na dinhi tanang mga maayong butang nga kinahanglang sundon sa mga draybers.
