General Santos City–Nanawagan karon si Barangay Bula Kapitan Nick Vargas kauban ang Local Government Unit-GenSan, City Health Office, Rural Health office, PNP ug Barangay Council, ngadto sa tanang mga nakahimamat o may direktang contact sa pasyente nga nag positibo sa Covid-19 nga makig-alayon sa barangay pinaagi sa pagtawag o txt sa mga numerong:
(083)-552-6378
09237247739
09128105629
Kini alang sa mas paspas nga contact tracing ug dugng imbestigasyon human nga may nagpositibo sa Covid-19 sa ilang barangay.
Dugang pa sa Kapitan nga walay angayang kabalak-an ang mga nahisgutan tungod magpabiling pribado o confidential ang tanang impormasyon nga ilang ihatag.
Samtang nanawagan usab kini ngadto sa katawhan sa ilang barangay nga magpabiling kalmado gumikan ginahimo man sa barangay ug sa LGU-Gensan ang tanan aron nga masegurong luwas ang kahimtang sa ilang mga katawhan sa barangay.
Panawagan pa sa Kapitan nga kinahanglan karon ang pagtinabangay sa tanan tungod ug alang sa proteksyon sa matag pamilya batok sa coronavirus.
