Naggwa sa tuigan nga world report sang Human Rights Watch (HRW) nga mas naglala pa ang krisis sa tawhanon nga kinamatarong sa Pilipinas sang 2018.
Base sa ginpagwa nga report sang HRW, naglab-ot na sa halos 5,000 ang numero sang mga napatay nga suspected drug user kag pusher sa mga ginpatigayon nga police operation sa idalom sang war on drugs sang administasyon ni Presidente Rodrigo Duterte umpisa July 1, 2016 tubtob September 30, 2018.
Wala pa diri nalakip ang linibo ka mga ginpatay sang wala pa nakilala nga mga gunmen nga ginatawag sang PNP nga homicide under investigation.
Ginpahayag sang HRW nga indi nila madeterminar kon pila gid ang eksakto nga numero sang mga napatay sa war on drugs bangud sa kapaslawan sang gobyerno nga magpagwa sang mga sa datos angut diri.
(photo from web)
