General Santos City—Human sa pagbusikad sa Granada sa Tacurong City nga gikamatay sa 2 ka biktima ug pagkaangol sa 17 pa, mas gipahugtan na karon sa Joint Task Force Gensan inabagan sa kapulisan sa syudad ang seguridad sa kinatibuk-ang dakbayan.
Tumong aron nga dili basta-bastang malutsan sa mga dautang elemento nga buot maghatag ug kasabok sa dakbayan.
Sumala ni Capt. Dave Estorninos, tigpamaba sa Joint Task Force Gensan nga mas gipahugtan nila ang seguridad sa mga Check Point ug Choke Point sa mga nag-unang kadalanan aron masiguro nga sila dili malutsan.
Nangayo usab silag tabang sa katawhan pinaagi sa pagreport sa mga kadudahang tawo o butang nga ilang mamatikdan sa tagsa nila ka mga lugar.
Facebook Comments
