Kinahanglan dili basta-basta mohatag ug franchise ang City Licensing Division sa City Hall alang sa kinsa man nga mag-apply nga tricycle operators aron malikayan nga adunay mga dautang tawo ang makapamasada palibot ning syudad sa Butuan. Reaksyon kini ni PSSupt. Alberto Magno, city director sa Butuan City Police Office (BCPO) sa dihang adunay report nga pagmolestiya sa usa ka 12 anyos nga magtutungha sa elementarya nga binuhatan sa 35 anyos nga tricycle driver.
Sigun ni Col. Magno nga kinahanglan ilakip sa mga proseso sa paghatag ug franchise ang psychological exam sa mga aplikante.
Niya pa nga daghang factor ang gikonsidera sa pagka-manyakis sa usa ka driver, possible ang psychological, behavioral ug possible usab ang paggamit ug droga.
Subay sa maong balita, nakatakdang pasakaan ug kaso karong adlawa sa paglapas sa Republic Act 7610 ang atubangon sa wala panganling 35 anyos nga tricycle driver nga gitudlong responsable sa pagmolistiya sa usa ka magtutungha sa Elementarya.
Pahimangno pa ni Col. Magno nga importante sa mga ginikanan nga pahimangnoan usab ang ilang mga anak unsay angayang buhaton kung mosakay sa mga pampublikong sakyanan ug maka-encounter sa mga driver na abusado.
Sent from my Samsung Galaxy smartphone.
