Samtang katapusang gabii karon sa pagyukbo ngadto kang Archbishop Cardinal Vidal, unang gabii pud karon sa pagbangutan sa pamilya sa gitulis-patay nga taxi driver kaganihang kadlawon. Nailhan ang maong biktima nga si Jose Medrano Sering Jr. Residente sa Pajac, Lapu Lapu City ug usa ka retired police nga dugay na-assign sa probinsya sa Bohol.
Posibleng misukol ang maong driver sa dihang gibuhat sa 3 ka suspek ang maong krimen. Ang tulo nagpaka-aron ingnon nga pasahero niini. Nahitabo ang pagpanulis ug pagpatay sa biktima kaganihang kadlawon sa may 5th Street, Happy Valley, Barangay Guadalupe, Cebu City.
Naay pinusilan sa dughan ang biktima ug sa lainlaing parte sa lawas niini nga maoy hinungdan sa iyang hinanaling kamayaton.
Daghan ang niiningon nga “Robber’s Zone” gyud kuno ning lugara. Apan daghan gihapon nga mga taxi driver ang moagi aning dalana tungod kay shortcut ni nga rota alang sa mga gustong moadto ug Barangay Labangon o Barangay Tisa ning siyudad sa Sugbo.
Hustisya ang siyagit sa pamilya sa biktima ug mga kaubanan nga taxi drivers niini. Maayo nalang nga nadakpan na ang tulo ka mga suspek ug laing usa pa nga posibleng may kalabotan pud sa krimen.
Suma pa sa imbestigasyon nga posibleng misukol gyud ang biktima aron siguro pagprotektar sa kinitaan niini. Sa inyong opinyon idol, mas maayo ba gyud nga mo-submit na lang ka sa gusto sa tulisan para dili ka mamiligro? Kanang imo nalang ihatag imong kwarta, cellphone o mga belongings ba? Uyon ka ani idol?
Credit sa atoang hegala nga si Mr. Alan Tangcawan alang sa hulagway.
