Hustisya ang gisyagit sa gibiyaang pamilya ni Atty.Jonnah John Ungab atol sa paglubong niini sa sam-ang katoliko sa lungsod sa Ronda.
Lakip sa nanawagan og hustisya alang sa gipatayng abogado mao ang Mayor sa Ronda nga si Mariano Blanco ingun man ang mga Rondahanon nga nihatud sa katapusang pahulayan sa ilang Bise Mayor.
Atol sa necrological services human sa requiem mass,pasado alas 2:00 ganihang hapon, wala kapugngi sa pamilya ni Atty.Ungab labi na sa kinamaguwangang anak niini nga lalaki nga ma emotional samtang nagsaysay ug naghinumdum sa iyang kasuod sa iyang amahan.
Samtang ang asawa ni Bise Mayor Ungab nga si Pearl niawhag kang Mayor Blanco ug sa konseho sa Ronda nga mopagawas og reward money aron madakpan ang killer ni Atty.Ungab ug mailhan ang mastermind sa kremin.
Ang kapolisan padayon pa nga nipalawom sa ilang imbestigasyon sa pag -ambush kang Atty. Ungab human usab na view na nila ang CCTV FOOTAGE sa Quimonda Building atol sa pag ambush kang Atty. Ungab.
