Davao City – Hustisya ang singgit sa pamilya sa usa ka batan-on nga gipusil-patay sa wa mailhing suspek, ang biktima nailang Onel Amemita, alias Janel, kinsa gipusil niadtong milabay’ng adlaw sa Padre Gomez St., corner Mabini St., syudad sa Davao.
Sa interbyu sa DXDC RMN Davao kang Janela Amemita Jines, inahan sa biktima naglaum siya nga mapadali ang inbestigasyon sa kapulisan aron makab-ot ang igong hustisya ug madakpan ang suspetsado nga mihimo sa krimen.
Segun sa inahan, wala siya nagdahum sa nahitabong kalit nga pagkutlo sa kinabuhi sa iyang anak.
Nanawagan usab ang inahan sa suspek nga mipatay sa iyang anak, mas maayo nga motahan nalang sa iyang kaugalingon ngadto sa mga tinugyanan sa balaud.
“Ang ako lang panawagan sa kapulisan kung tinud-anay ang ilang pagserbisyo nanghinaut unta ko nga masulbad ang kaso sa akong anak nga gipusil patay”.
RadyoMaN Don Pulayao
Facebook Comments
