Davao City – Gitubag sa operator sa maong truck ang gasto sa burial services sa ilang driver nga si Abraham Reoma human namatay sa dihang nadisgrasya ang truck nga gimaniho sa Gumalang, Banguio District, Davao City.
Sumala sa report sa Baguio Police Station ilawom sa superbisyon ni PMaj Ricky Obenza Station Commander, padulong unta sa Brgy. Tamugan ang maong truck nga nagkarga og mga bloke sa ice ug pag-abot pa sa kurbada nga bahin, kalit mibuto ang ligid niini ug nawad-an sa kontrol ang driver nga miresulta sa pagkatumba sa truck hinungdan sa kamatayon ni Reoma, samtang nakaangkon og mga samad sa kalawasan ang duha ka mga helper.
Ang kapolisan nagpahimangno sa kanunay nga mag-amping sa pagmaneho ug i-check ang kondisyon sa gimanihong sakyanan ilabi na kung bug-at ang karga kay sagad maapektohan ang preno niini.
RadyoMaN Paul Canono
Facebook Comments
