Roxas City, Capiz – Panawagan subong sang pamilya sang 54-anyos nga driver sang truck ang hustisya makaligad ini ang gindakop sang mga otoridad matapos nasal-an nga isa ka NPA member.
Sa madumdoman nga si Baltazar Saldo sang Brgy Santo Angel, Dumalag ang gin-arestar sang operatiba sang Regional Intelligence Division kag 61st Infantry Battalion Phillippine Army bangud sa ginapangatubang sini nga kaso nga murder kag attempted murder sa Negros Occidental.
Sa interview sang news team sa utod sini nga si Nilo Saldo, ginpahayag sini nga nag-angkon sang trauma si Baltazar Saldo bangud sa ginhimo nga pag-arestar sa iya sang mga otoridad kag nasal-an nga amo si Virgilio Paragan, alias “Hassan,” nga anay former commander sang New People’s Army sa Negros.
Mahibaloan nga ginmando sang piskalya nga hilwayon ang nadakpan nga persona bangud nahibaloan “mistaken identity” ang natabo sa diin indi ini ang rebele nga wanted. Samtang madamo man sang iregularidad nga nakit-an sa pag-file sang kaso kabangdanan wala ini ginbaton sang piskalya.
Sa madumdoman, nag-ani sang mga negatibo nga reaksyon sa publiko kag pagpakamalaot ang natabo nga pag-arestar kay Baltazar Saldo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
