Hustisya ginasinggitan sang pamilya sang OFW nga taga-Brgy. Tinago sang Norala nga ginpatay sa Kuwait.

Hustisya sa subong ang ginasinggitan sang pamilya sa nangin kamatayon sang isa ka Overseas Filipino Worker (OFW) nga ginkilala kay Jeanelyn Villavende, 26-anyos, isa ka domestic worker sa Kuwait kag residente sang Barangay Tinago, Norala, South Cotabato.
Suno sa tiya kag nagaserbi nga guardian ni Jeanelyn nga si Nelly Padernal kon ano ang ginhimo nga pagpatay sa OFW amo man ang dapat nga himuon sa responsable nga ang ginatudlo ang amo sini.
Advice niya naman sa may plano nga mag-abroad nga indi na lang magdayon bahala na nga magamay ang sweldo dire sa pungsod suno pa.
Ginpahayag ni Mrs. Padernal nga first time nga nag-abroad ang hinablos sang Hulyo 5 sang nagligad nga tuig sa handom nga mapaumwad ang kabuhi kag mapakay-o ang ila nga balay.
Dugang pa ni Padernal nga ulihi niya nga naistorya si Jeanelyn sang Oktubre kag sang ulihi amo na ang masami sini nga maistorya rason nga ginpalab-ot niya sa agency nga imonitor ang sitwasyon sang hinablos.
Apang ila ginkakibot sang gin-impormar sila sang Department of Foreign Affairs, alas 9:00 sang Disyembre 30 nga ginbawian sang kabuhi si Jeanelyn.
Plano naman nila suno kay Mrs. Padernal nga ihaya ang bangkay ni Jeanelyn sa balay sang iya sini nga lola sa Brgy. Tinago sa banwa sang Norala sa tion nga mag-abot.