Hustisya singgit sa pamilya sa batan-ong gipusil-patay

56
Davao City – Aduna matud pa’y kaaway ang batan-ong lalaking gipusil-patay sulod sa Internet Cafe.

Sumala sa amahan nga si Claudualdo Alegado, human nahinabi sa DXDC RMN Davao, adunay kalaban ang iyang anak nga si C-Jay Alegado, una kini gipatay sa wala pa mailang mamumuno sa Purok 9, Balite, San Rafael, Barangay 9-A, Davao City niadtong Lunes sa gabii (Mayo 16, 2022).

Segun ni Alegado, adunay gikulata ang iyang anak og iya kining gitambagan nga mag-usab na sa iyang batasan. Matud sa amahan, napriso na ang iyang anak sa San Pedro Police Station kaniadto tungod kay nalambigit sa riot sa mga batan-on.

Hustisya gihapon ang singgit sa pamilya ug naglaum ang amahan nga madakpan ang suspect nga mipusil patay sa iyang anak.

Samtang kapulisan San Pedro duna nay ginalantaw nga person of interest nga mipusil patay sa maong batan-on.

RadyoMaN Don Pulayao

Facebook Comments