Davao City – Maglisud pa og dawat ang pamilya sa menor de edad nga lalaki mao si alias “Romel”, gikaingong gitabangan og dunggab sa siyam ka mga batan-on, alas 8:00 sa gabii niadtong March 9, 2024 sa Purok 9, Lower Madapo, Brgy. 8-A, Davao City.
Sa interview sa DXDC RMN Davao kang Erlinda inahan sa biktima gisulti niya, hustisya ang ilang gipangayo sa brutal nga pagpatay sa iyang anak.
Segun sa inahan, posibleng nadamay lamang niadtong panahona ang iyang anak sa away sa iyang barkada talu sa laing grupo tungod sa selos sa babaye.
Nanawagan ang inahan sa mga suspetsado nga mo-surrender na sa ilang kaugalingon aron matagaan og hustisya ang kamatayon sa iyang anak.
Usa sa mga suspect, ang nadakpan sa mga awtoridad nga giilang si alyas Mar, 16 anyos ug gikustodiya karon sa Women and Children Protection Desk sa San Pedro Police Station samtang ang walo at large pa.
RadyoMaN Don Pulayao
Facebook Comments
