Smuggled cigarettes sa nadisgrasyang truck anaa na BOC

Davao City – Padayong gipangita og ginaila sa Davao City Police Office (DCPO), ang driver sa ten-wheeler dump truck nga misibat, human nadisgrasya ug mibangga sa center island nga miresulta sa pagka-danyos usab sa traffic light alas 9:30 sa gabii, niadtong March 12, 2024 sa Brgy.Panacan, Davao City.

Sa pakighinabi sa DXDC RMN Davao kang Police Captain Hazel Tuazon, Tigpamaba sa DCPO gibutyag niini, ginasubay pa karon sa kapulisan ang tag-iya sa maong dump truck nga dunay kargang 30 boxes smuggle nga sigarilyo.

Segun ni Tuazon, kung mailhan ang driver ug tag-iya sa sa maong truck, posibleng mag-atubang og kasong Reckless Imprudence Resulting to Damage to Property ug violation of Republic Act 4712 or An Act Amending Certain Sections of Tariff and Customs Code of the Philippines.

Gipasabot sa opisyal, ang smuggle nga sigarilyo giturn-over sa Sasa Police Station ngadto na sa Bureau of Customs (BOC).

“Naay kasong atubangon ma conduct kan og investigation,para mabal-an nato kung kinsa ang angay mapaylan og kaso and then dili ta magpataka og kailanagan og investigation para ma find out nato kinsa ang tag-iya”, sulti ni Tuazon.

RadyoMaN Don Pulayao