General Santos City–Hustisya ang gustong maangkon sa pamilyang Ledesma sa kamatayon sa ilang igsoon nga si Oliver Ledesma, 37 anyos, trisikel driver nga nanimuyo sa Prk 1,barangay Rubber, Polomolok, South Cotabato.
Sumala pa sa igsoon niini nga si alyas An-An nga wala silay nasayran nga dunay nakalaban ang ilang igsoon apan kung ang hinungdan ang pagka-apil niini sa listahan kaniadto nga lambigit sa droga ang dili matud pa tama nga patyon nalang ang ilang igsoon.
Kahibaloan nga una ng gipusil patay ang biktima sa wala mailhing suspek sa Prk 7,bgry. lumakil alas 6:30 sa gabie niadtong adlaw’ng Biyernes dihang pauli na unta sa ilang panimalay gikan namalit uban ang iyang anak nga menor de edad.
Samtang aminado man usab ang igsoon niini nga kaniadto lambigit ang ilang igsoon sa illegal nga droga gani nasilbihan na kini ug search warrant ug napriso apan nakagawas gumikan kay nadismiss ang kaso.
Sa karun blanko pa ang pamilya sa motibo sa kamatayon sa ilang igsoon apan dako ang ilang pagtuo nga taga gobyerno lang matud pa ang naghimo niini.
dismayado man usab ang pamilya gumikan kay dugay naadtuan sa mga pulis ang ilang igsoon sa lugar nga duol lamang unta ang outpost apan ang katawhan pa ang nauna nga nasayod sa maong insidente.(Reynald Timario)
