General Santos City- Nakasaway si PISTON transport leader Larry Villegas sa sistema karon sa pagpang-apud-apod ug prangkisa ngadto sa mga muaplay nga mga traysikel operator sa syudad.
Sumala ni Villegas nga atol sa paghinatagay ug numero ngadto sa mga aplikante dunay natigayong pagsinukmagay sa duha ka mga traysikel drayber tungod nag-ilog sa numero.
Matud ni Villegas nga tungod kay limitado lang ang kapin 400 nga ihatag nga prangkisa gikagubtan kini tungod kay mas daghan ang gustong makakuha niini.
Gibatikos usab ni Larry Villegas si Geraldine Zamora kansa maoy naghupot karon isip labaw sa MTFRB sa Gensan tungod sa kawalay paigong datus niini bahin sa mga traysikel.
Bisan si Mayor Ronnel Rivera wala usab makalingkawas sa pagsaway ni Villegas tungod kay daw sa gibalewala lang ang sitwasyon sa MTFRB ug sa mga traysikel drivers.
Dili usab matud pa ikalilong nga daghang mga fixer sa gawas sa MTFRB sukwahi kini sa naunang pahayag ni Zamora nga bawal ang fixers. ( Kasamang Jordan Britos)Photo by: Ms. Blanche Yamba
