Idol ang programang iconfessions, dili nalang kutob sa radio available na pud ta online! Mga idol sa matag Huwebes mogula ang mapilian nato nga confessions of the week kung asa mahimo pa natong matambagan ang nagpadala sa atong programa.
Sa karun nga semana napilian nato ang storya ni Vincent nga nahimong hot topic gyud sa gabii nga gi-onair ang iyang storya, basaha sa ubos idol ang iyang storya og tambag sa atong mga idol atong kagabhiona
SUGILANON
Aired date: July 3,2018
sender: +639******360
Maayong gabi Dj oyo, ug sa tanang nagpaminawan sa iconfessions.
Ganahan unta ko mo confess karun dj para sa akong girlfriend. Ako diay si Vincent nga taga Tipolo, Mandaue City. Magpatambag unta ko dj kung unsa ang pwede nako buhaton para matabangan ang akong uyab. Mao kini ang nahitabo dj; kini akong girlfriend dj maypagka privacy freak- naa ni siyay trust issue dj tungod sa usa ka panghitabo sa iyang kagahapon.
Biktima ang akong girlfriend og pangabuso sa iyang kaugalingon nga uncle- nahitabo kini kadtong 1st year highschool pa siya, naputos sa kahadlok ang akong girlfriend atong tayma maong wala siya makasumbong dj, mahadlok siya nga tingalig mapasakitan ang iyang pamilya ilabi na nga naa diay kini nagpuyo sa ilaha ug mahadlok pud siya nga dili pud unya siya touhan sa iyang mga ginikanan.
Hangtud sa wala na niya naantos dj, nisumbong na gyud siya sa iyang mama pag 2nd year highschool na niya- didto naabot ang kinutoban sa pagpang abuso sa iyang uncle niya dj, wala na nila gipakadako pa ang storya paglikay nga ma chismisan sila. Gitago kini sulod sa panimalay nila. Pero hangtud karun dj para nako mao kini ang rason kung nganong naa nay trust issue ang akong uyab. Unsa man ang pwede nako nga matabang para sa akong uyab dj oyo? Tambagi ko ninyo.
TAMBAG
Hello Vincent, daku ang akong pasalamat sa higayon nga imong gihatag nga mabasahan ang imong confessions sa atong programa.
Nadunggan na nimo ang mga tambag sa atong idol og kining akong naa sa hunahuna igo lang kini sa pagsumpay sa nahauna nga tambag sa mga tao sa imong problema.
Hatagan ko og bili karun ang kining gitawag nato nga PTSD kon Post Traumatic stress disorder, kung asa nagpakita og pipila ka timailhan ang actions sa imong girlfriend. Bisan paman na settle down ang maog panghitabo sauna pinaagi sa confrontation apan nagpabilin sa hunahuna sa imong gf ang kahadlok nga maoy epekto sa maong panghitabo.
Importante Vincent nga kanunay ka naa sa iyang kiliran. Swerte kaayo ka nga ikaw iyang gisaligan luyo sa iyang mga nahiagian sa iyang uncle. Kung kaya ninyo, maayong mobisita kamo og propesyonal nga maka storya niya. Kini aron masuta kung kinahanglan ba gyud og mga treatment ang imong girlfriend. Treatment sama sa cognitive-behavioral therapy, exposure therapy ug acceptance and commitment therapy-
Ang kinig mga treatment daku kaayo ni nga tabang ilabi na sa mga tao nga nahimong biktima sa pangabuso. Hinaot nga kini naka abli og lain nga perspektibo sa imong hunahuna bahin sa imong confessions about sa imong uyab. GOD Bless ug daghang salamat.
Atangi pa ang ubang TakenSingle.com na episodes matag Huwebes dinhi sa atoang webiste kauban silang Dj Oyo Tan, Boy Kirat ug Maikee Gol.
