General Santos City— Nagpahigayon ug lihok-protesta ang progresibong grupo sa pagpanguna sa APL sentro ug I-Defend kung asa lakip sa ilahang gipanawagan mao ang pagsupak sa charter change kon cha-cha ingon man sa diktatoryang Duterte.
Sumala kang Ben Sumug-Oy sa I-Defend nga dungan sa State Of The Nation Address ni President Rodrigo Duterte, ilaha na matud pa kining gihukman gumikan inay nga iyahang ayuhon ang nasud Pilipinas, iyaha naman hinuon kining giguba.
Dugang pa ni Sumug-oy nga daghang red flags ang administrayong Duterte lakip na ang iyahang kampanya batok illegal nga droga ug batok kurapsyon gumikan bisan siya mismo ang gpabiling kurakot.
Supak matud pa sila sa Cha-Cha gumikan ini ang maghatag lang ug dugang gahum sa presidente aron nga himuon ang tanang gusto niyang himuon ug lakip niini ang pagwagtang sa proteksyon sa tawhanong katungod.
Dako usab ang iyahang pagtuo nga ang Cha-Cha ang gidesenyo alang sa nasud China aron nga yano nalang nilang mahimo angmga gusto nilang himuon. ( Lore Romualdo)
