General Santos City–Dakong uyon ang chairman sa I-defend nga si Ben Sumug-oy nga isapubliko ang mga pangalan sa mga artista nga anaa sa drug watchlist sa PDEA basta dili lang si Pangulong Rodrigo Duterte ang mobasa sa mga pangalan kundili ang PDEA o ang tigpamaba sa Pangulo ang mobasa og moingon nga kining mga tawhana nga anaa sa listahan mga drug pusher og drug addict.
Sumala pa ni sumug-oy nga dili makaprotekta sa iyang kaugalingon kadtong mga tawo nga anaa listahan kung ang pangulo mismo ang pabasahon tungod kay dili man pwede mademanda ang pangulo.
Dugang saysay ni Ben Sumug-oy nga mas maayo nga pasakaan nila una og kaso bag-o isapubliko ang mga pangalan og dili nga diretso nalang basahon ang mga pangalan nga wala man gibutang bisan gamay nga ebidensiya nga magpamatuod nga angayan nga mabutang ang pangalan sa listahan. (Reynald Timario)
