General Santos City— Padayon gihapong gipangita si Philip Bacudo human ang kapin semana na niining pagkawala nga sumala pa gi-aresto sa kapulisan.
Sumala kang Ben Sumug-Oy, tigpamaba sa I-Defend nga basi sa impormasyon nga ilahang nakuha, posibleng gitaguan si Philip sa compact station sa Police Station 4 nga nahimutang sa may diversion road.
Pamahayag niini nga sa maong lugar matud pa ginadala ang sagad maaresto sa station 4 ug ginahimo nga torture area.
Dugang pamahayag ni Sumog-Oy nga lakip sa ilahang ginatutukan mao si Police Senior Inspector Lemuel Enrijo, ang deputy station commander sa police station 4.
Kini gumikan ang nasangpit nga opisyal matud pa maoy responsable sa pagpakuha sa tricycle nga gisakyan nilang Philip ug mao usab ang mihatag ug instruction sa pamilya nga magpa-blotter sa Police Station 5 kapin 20 kilometros gikan sa crme scene kung asa sumala pa giaresto ang batan-on..
Kumbinsido man usab siya nga guilty si PSI Lemuel Enrijo sa pagkawala ni Philip Bacudo nga sumala pa gi-aresto niadto pang Nobyembre 10 ning kasmatangang tuig.
