ANG personalidad nagkasangka o nagkalainlain lang gyud? Usahay kon kita maglagot sa kinaiya sa uban bisan sa trabahuan o sa pamilya, kita naghuna-huna nga ang ubang tawo maoy lisod sabton.
Makapangutana kita sa atong kaugalingon “nganong di man sila pariha nako o mobuhat sa ganahan nako?” Apan sa tinuod, ang kinaiya sa tawo lain-lain.Sa pagsabot sa atong kinaiya ug sa uban, makakita kita og paagi sa pagkontrolar niini.
Sa pagbasa nimo niini, imo siguro nga gihunahuna ang mga tawo nga lahi kaayo og kinaiya nimo ug kadtong lisod atubangon ug dumalaon.
Mausab ba ang personalidad? Aduna kitay mabuhat niini nga makaayo sa atong pagpanarbaho ug pagpakig-estorya sa mga tawo nga lahi og kinaiya. Unsay buhaton kon aduna kay katrabaho o kapuyo nga lahi og kinaiya?
01. Pagkat-on sa pagdayeg sa iyang kusog o talento;
Ang matag usa ka personalidad adunay kusog ug talento, maong sa usa ka grupo kinahanglan kag lista niini aron makita ang tanang nagkadaiyang talento.
02. Gamita ang kaugalingong kusog;
Paghunahuna kon unsaon nimo paggamit imong kaugalingong kusog aron makuha ang labing maayo gawas sa ubang klase sa personalidad.
03. Ibutang ang kaugalingon sa sitwasyon sa uban;
Ang pagkat-on sa lain-laing klase sa personalidad makatabang sa pagsabot ug dayeg sa uban. Makaayo usab nga ibutang ang kaugalingon sa sitwasyon sa uban ug hunahunaa unsay imong bation kon ikaw anaa sa ilang sitwasyon. Giunsa nila pagtan-aw ang kalibutan? Ug giunsa ka nila pagtan-aw?
04. Patas-i ang pasensya;
Pahinumdumi kanunay ang imong kaugalingon nga ang uban di lisod sabton, nagpaka sila lang gayud sila. Maong kon kiat sila o dugay mobuhat sa ipabuhat, pangita og paagi nga matagad sila.
05. Hibalua ang imong kahuyang;
Makatabang sa sitwayon kon makaamgo kita nga ang atong personalidad adunay kahuyang nga makapalagot sa uban. Wala`y perpekto nga personalidad apan adunay lahi nga personalidad.
06. Magpabilin nga anaa sa hamtong nga mood;
Ang panaglahi sa personalidad usahay moresulta sa di produktibo nga sitwasyon ug makadaot nga panag-estorya. Kon magpabilin kalma ug anaa sa hamtong nga panghuna-huna, makatabang kini pagdumala sa sitwasyon ug sa interaksyon.
(Tinubdan: http://www.justaddcontent.com/groveland- CNU BA Comm. Intern- Rialyn Abilay)
Source: www.sunstar.com.ph
Picture Source Credited To: http://navingupta.in
