NAGKADAGHAN na ang mga kurso nga gitanyag karon sa nagkalain-laing mga tunghaan apan sa pagpili niini dili kini sayon. Kinahanglan pa kining huna-hunaun pag-ayo aron ikaw makadiseder kon unsa gyud nga kurso nga angay alang kanimo Mao kini ang usa sa mga ang-ang sa atong kinabuhi nga maghatag nato og kahayag sa atong kaugmaon. Siguradoa nga ang kursong imong pilion imohang kaugalingong gusto.
Ania ang pipila ka mga kasayuran sa pagpili og kurso sa kolehiyo.
1. Hibaw-a ang imong mga interes
Ilha og maayo imong kaugalingon asa ka nga aspeto mas maayo. Ug daghan kang mga interes mas maayo nga ang labing ganahan nimo ang imong kuhaon aron mauswag pa kini pinaagi sa pagtungha ug mapun-an pang imong nahibaw-an.
2. Nganong kana nga kurso
Mas maayong imong hibaw-on nganong kana nga kurso imong pilion. SiÂguraduhang madala ra kini sa imong utok aron mas sayon na kini kon ikaw magÂsugod na sa pag-eskwela.
3. Unibersidad nga imong buot tunghaan
Ang eskwelahan nga imong gitunghaan usa sa makatabang sa pag-uÂmol sa imong hilig. Kinahanglan nga komportable ka sa unibersidad nga imong gipili aron mas ganahan kang moeskwela. Pilia ang eskwelahan nga adunay kalidad sa edukasyon nga makatabang sa pagpausbaw sa imong nahibaw-an.
4. Makaya raba og gasto sa imung mga ginikanan
Karon nga nakadiseder na ka sa imong kurso nga buot nimong kuhaon ug asa ka nga eskuylahan motungha, tagai og konsiderasyon ang inyong kahimtang kon madala ra ba sa imong mga ginikanan ang mga galastuhan.
5. Pangayo og opinyon
Kinahanglan nga magsusi-susi ka sa edukado nga mga tawo kon sakto ba ang imong desisyon sa pagpili sa maong kurso. Makatabang usab ang mga website kun online blogs nga konektado sa kursong kuhaon.
6. Kauyuhan sa imong kurso
Human ka nakapangayo og kasayuran sa mga tawo kabahin sa imong kurso, pagbuhat og shorlist sa mga posibling makuha nimo sa maong kurso.
7. Pamaagi sa pagkat-on
Paningkamuti nga ikaw makat-un aron mabungahon ang imong pag-eskwela saÂma sa pagkabisi sa mga assignments, proÂjects, quiz, additional researches ug pagtuon alang sa exam.
8. Paglantaw sa posibleng kaugmaon sa imong kurso
Susiha kon makatrabaho ba ka sa imong gipiling kurso diin makabawi ang suweldo sa imong gieskwelahan.
9. Pokus sa mga detalye
Angay nga kahibawo ka sa mga detalye nga konektado sa imong kurso aron unyag katrabaho nimo mas mohanas na ka.
10. Pwede mausab ang imong desisyon
Kon ikaw wala kauyon sa kursong imong nasugdan, aduna ka pay higayon nga mobalhin sa laing kurso nga duol sa imung abilidad. (studylink.com/blog/top-10-tips-to-choosing-the-right-course-for-you/ Ma. Stephanie Ewican ang Germaine Garces- CNU Comm. Interns)
Pic Source: SafeWise
Source: http://www.sunstar.com.ph
