SA MGA estudyante, ang pagtungha usa sa mga lisod nga bulohaton sa kinabuhi.Ang pagkat-on kon unsaon sa pagtuon ug ang pakighimamat og kahigalaan maoy mopanindot sa maong kasinatian. Aron magmalampuson sa pagtungha, ania ang pipila ka mga pamaagi unsaon nga mamahimong sayon ang imong pagkaestuyante.
01. Ihatag ang imong atensyon sa imong pagtuon – Kon ang imong magtutudlo naghatag og leksiyon, pagsuwat sa imong kwaderno ug kon ikaw wala kasabot, ayaw pagduha-duha sa pagpangutana.
02. Tun-i pag-usab ang inyong leksiyon – Ang pagtuon pag-usab makatabang kanimo aron di nimo daling mahikalimtan ang gileksiyon sa imong magtudtulo. Busa ayaw usiki ang oras nga ikaw walay gibuhat.
03. Paghatag og higayon sa pagsuwat sa imong problema – Hinumdumi nga di hasol ang pagbalik og kat-on sa imo nang nakat-onan. Kini nga paagi mas mopahimo pa nimong usa ka banggiitang magtutungha.
04. Buhata ang imong buluhaton sa balay kun homework – Ang mga magtutudlo mohatag og bulohatonon ngadto sa balay sa usa ka rason. Kini aron imong mabalikan sa pagkat-on ang inyong leksiyon anang adlawa.
05. Pagpangandam kanunay – Dalha ang tanan nimong gamit nga kinahanglanon sa imong pagtungha. Nindot kon imong dad-on ang imong mga libro, folders, pens, lapis, homework, review sheets ug uban pa.
06. Han-aya ang imong mga gamit pang eskwela – Ang usa ka hapsay ug han-ay nga estudyante importanti. Kon ikaw han-ay, anaa na ka sa unang ang-ang sa imong pagkamalapuson. Pagbutang og folder sa tagsa-tagsa nimo ka mga subject.
07. Pagtuon – Ang pagtuon buhata pipila ka mga adlaw sa di pa ang inyong eksaminasyon. Pagbuhat og usa ka study schedule. Pagtuon sama nga ikaw madasigon sa maanindot unya nga resulta sa imong pagpaningkamot.
08. Basa og mga libro – Kon ikaw di pa usa ka magbabasa, sugÂdi kini sa hinay-hinay. Kay sa pagbasa og nagkalain-laing klase sa libro, makapataas sa imong bokabularyo.
09. Pagbuhat og usa ka mini-test – Tun-i ang imong gibuhat nga mini-test tulo ka adlaw sa di pa ang imong eksaminasyon.
10. Paghatag og pagtagad – Ihatag ang imong atensyon sa imong buluhaton iÂÂÂsip usa ka magtutungha og siguradong ikaw magmalampuson.
11. Pagbuhat og mind maps – Ang paggamit og usa ka mind map makatabang kanimo sa pagsabot sa lisod nga mga leksiyon.
12. Ayaw pag-unya-unya sa imong mga bulohaton – Pagbuhat og daily routine alang sa imong kaugalingon. Ipalayo ang imong mga gadget aron di ka matinÂtal sa pagduwa o aron malayo ka sa mga distraction. Pinaagi niini mas mahatagan nimo og focus ang imong pagtuon.
Sources: www.wikihow.com / Marjorie D. Padin CNU Comm Intern) and www.sunstar.com.ph
Picture source credited to: pinoynapinoy.wordpress.com
