Boxing equipment, itunol sa MVPSF ug ABAP ugma

PC: CIO

Itunol na sa Manny V. Pangilinan Sports Foundation kon MVPSF ug Association of Boxing Alliances in the Philippines kon ABAP ang mga bag-ong kahimanan ug gamit sa boksing alang sa Cagayan de Oro City Amateur Boxing Team ugma sa hapon.

 

Kini dawaton ni Mayor Oscar Moreno atol sa formal turnover ceremony nga himoon sa CdeO Boxing Training Center sa Aluba, Upper Macasandig ning syudad.

 

Lakip sa mga top-of-the-line nga mga boxing equipment nga madawat mao ang boxing ring, gloves, boxing shoes, head guards, punch mitts, groin guards, hand wraps, mouth guards, speed balls ug punching bags.


 

Magpahigayon usab ang ABAP sa trainings ug clinics aron maba-id ang kahibalo sa mga coaches sa CdeO boxing team sa mga bag-ong coaching techniques, physical conditioning ug exercise sa mga boksidor.

 

Gilaumang motambong sa kalihukan si Mr. Vic Vargas, ang presidente sa ABAP ug Philippine Olympic Committee, uban ang mga kadagkoan sa MVP Sports Foundation sama nila Mr. Al Panlilio, Ms. Patricia Bermudez-Hizon, Mr. Ed Picson sa ABAP ug uban pa.

Facebook Comments