Subling nagpahimangno ang Land Transportation Office kon LTO region 10 sa publiko nga mag-agi sa hugot nga inspeksyon ang mga sakyanan nga i-rehistro sa butahan.
Sa interview sa RMN Malaybalay ngadto kang Regional Director Oscar Salcedo sa LTO 10 gibutyag niini nga sukad pa sa iyang paglingkod isip regional director iya nang gimando nga kinahanglang inspeksyunon ang mga sakyanan nga i-rehistro.
Matud sa Director nga kung marehistro na ang mga sakyanan, posibleng mahimong depektibo kini sulod sa usa ka tuig ug tungod niini ilang ipahigayon na dayon ang roadside inspection.
Gipasabot niini nga tungod sa roadside inspection o apprehension dinhi nila makita kung road worthy ang mga sakyanan nga nagdagan sa kadalanan.
Gipasalig usab niini nga ayha nila i-release ang mga sakyanan kung ma impound magbayad ug penalty ang tag-iya ug ayuhon daan ang depekto sa ilang sakyanan.
