“I remember one thing he [KOBE] said: If you want to be great at it, or want to be one of the greats, you’ve got to put the work in.” – LEBRON JAMES.
PAGPANAW NI KOBE BRYANT, IKINAGULAT, IKINALUNGKOT NG MARAMI…
KOBE BRYANT NAMATAY SA HELKICOPTER CRASH…
LUBHANG IKINAGULAT…AT IKINALUNGKOT NG NAPAKARAMING TAO SA BUONG MUNDO ang pagkamatay ni NBA Legend KOBE BRYANT nang mag-crash ang sinasakyan nitong helicopter.
Kasama ni Kobe ang kanyang pangalawang anak na babae na si Gianna, edad 13. Si Kobe ay 41.
Si KOBE ay isa sa mga pinakatanyag at most decorated NBA players of all time na may 5 championship rings, 18 NBA All-Star appearances, Finals MVP Awards, 2 Olympic Golds, at napakarami pang iba’t-ibang parangal pambasketball.
Una siyang kinuha ng Charlotte Hornets noong 1996 bago siya na-trade sa Los Angeles Lakers kung saan siya naglaro sa loob ng 20 taon.
Sa kanyang final NBA game, kumana si Bryant ng 60 points at naipanalo ang laro laban sa Utah Jazz noong 2016. Umiskor din siya ng 81 points laban sa Toronto Raptors noong 2006.
