Magpuyo sa katahum sa palibot.
Ang talan-awon nga padulong sa Caballero Hills usa lamang ka talagsaon ug nindot nga lugar nga pwedeng maadtoan.
Makaplagan ang maong lugar sa Lourdes,Alubijid Misamis Oriental.
Sakay sa pribadong sakyanan padulong sa sentro sa Lourdes duol sa Laguindingan International Airport, ug sa imung pag abot pinaagi sa pagbaklay na lang kung ikaw mupadulong pasulod sa maong dapit matagamtam ang mabugnaw nga hangin ug kahibulong sa palibot nga agianan.
Paggahin ug panahon sa paghunong sa pila ka mga dapit kung asa nimo makuha ang mga litrato sa mga basakan sa humay, mga kabungturan, ug mga lunhaw nga kabukiran lakip ang mga tag-as nga kalubihan.
Paghike agi sa punoan sa mga kahoy ug paglantaw og presko nga prutas ug utanon, buhi nga mga tanum, ug mga lokal nga produkto sa kilid sa dalan.
Dili nimu malikayan nga dili bas-on ang imung mga tiil kay gikinahanglanun nga maagi-an nimu ang mga sapa padulong sa ibabaw sa Caballero Hills.
Tubig bugnaw, nga diha-diha dayon mohatag kanimo nga kapasilongan gikan sa humid nga hangin.
Usa sa mga atraksyon ang makita sa dapit kung mahiligon ka sa adventure maagi-an sa maong dapit ang halos 4 hangtod 5 ka mga falls agi sa delikadong pang pang nga ginatawag nilang Kamatayan.
Gikinahanglan lang nimu ug tour guide nga taga didto sa maong dapit aron magiyahan sa pabisita.
