Kung sa laag laag mahiligon ka adunay lugar sa Misamis Oriental nga dili na kinahanglan pa nga mulayo arun makaplagan ang maanindot nga dapit makaplagan kini sa lugar sa Laguindingan nga ilahang ginatag nga Birhen Milagrosa duol mismo sa usa ka Light House usa ka lugar o dapit nga samtang nagtan aw ka sa luag nga kadagatan makit-an pod usab nimu ang mga eroplano nga mupadulong na sa pag tugpa tungod duol lamang kini sa tugpahanan .
Ang lugar makaplagan sa tumoy nga silangang bahin sa Laguindingan Airport .
Usa kini ka lugar nga pwedeng maka dive kauban ang mga isda sa dagat tungod sa kalinaw sa tubig imu pong makaplagan ang nag kalain laing corals ,starfishes ug uban pang klase sa mga organismo sa dagat.
Walay kuryente sa maong lugar.Ang sinyales lamang sa sibilisasyon mao ang mga cottage .
Gikan sa Highway sakay lang ug habal habal anaa sa 40-60 pesos ang pletehan ug pag abot mismo sa Birhen Milagrosa Beach nga duna mismo sa Barangay Moog Laguindingan Misamis Oriental.Ang mga cottage ana-a sa kantidad nga 100 hangtod 200 pesos .
Napormang mga bato sa kiliran mismo sa dapit ang makahatag sa imu kahinam sa pagkaligo tungod pod kay ang tubig sa dapit linaw ug limpyo.Walay entrance fee sa imung pagsulod.
Busa iandam na ang imung barkada pamilya sa laing lugar nga pwedeng maadtoan.
