Nakabaton sang plake si Iloilo Governor Arthur Defensor gikan sa United Nations Environment Programme bilang pagkilala sa iya “outstanding contribution to environment”.
Ginhatag kay Defensor ang pagkilala sang Hulyo 25, 2018 sa UN Conference Center sa Bangkok, Thailand.
Ginpahayag ni Provincial Administrator Raul Banias nga ginkilala ang Gobernador bangud sa mga ginhimo sang iya liderato nga hatagan sang proteksyon sang Visayas sea, ipatuman ang rehabilitasyon kag pag-restore sini.
Napabilin man sang Gobernador ang operasyon sang Provincial bantay dagat task force sa tuyo nga madula ang illegal nga pagpangisda , pagtanum sang masobra 10 million ka mga puno sang kahoy kag mangrove sa idalum sang action for re-greening ang transformation –climate change adaptation nga programa.
Ginapabaskog man niya ang operasyon sang sea ambulance ilabi na sa Northern Iloilo kag ang redevelopment project sang capitol grounds pinaagi sa pag-ilis sang parking spaces sa parke nga karon padayon na nga ginahimo.
