Sa Habagatang bahin sa Pilipinas gikahimutangan ang siyudad sa Cagayan de Oro ug ubay-ubay ang mga baybayon nga imung malantawan dinhi.
Nagpaila kini nga ang mga baybayon sa maong dapit maayong lugar para sa pag relax tungod sa maayong klima ilabina na gyud kung tag init.
Kasagaraan sa maong dapit dili puti ang balas apan abohon kini nga maayong makaayo sa mga gituohang balatian.
Malingaw ka pod ug baklay sa dapit ug masinati nimu ang kanindot sa lugar.
Kung ang pagpadulong gikan sa city proper, makita nimo ang mga jeepney nga moadto sa Bonbon. Gawas sa P20 pesos , ang usa makaabot ka na sa Bonbon.
Adunay mga lugar dapit sa baybayon nga gaparentahan ug mga payag naa sa P200 – 400 alang sa tibuok adlaw.
Kasagaraan kung magplano nga magpabilin sulod sa usa o duha ka oras, ug dili nimo gusto nga mag-abang sa usa ka ayag,pwede ra nimung ibuklad ang imong tualya sa ilawom sa mga punoan sa Talisay, ug modagan ngadto sa dagat, walay gasto nga mahatag – walay bayad nga kolektahon! o diba tipid pa sa imung budget.
Dili man tuod puti ang buhangin sa maong dapit pero ang hulagway sa lugar presko nga hangin ang imung mabatian ug kini libre.
Adunay uban nga sayo gaanha tungod kay makapili ka ug maplastaran nga duol ilalom sa kahoy kay protektar sa kainit.
Makita nimu ang mga nagkalain laing banca nga pagabot sa mangingisda pwedeng mupalit sa ilang mga kuha sa baratong presyo.Kalma ang dagat kung sa sayong kabuntagon ug madunggan lang nimu ang mga huni sa langgam samtang nakatutok sa dagat.
Ug kon sa pag abot sa kagabion matagamtaman ang mabugnaw nga hangin ug bugnaw usab nga tubig sa baybayon.
Busa unsa pay inyong gihulat laag ta sa dagat sa BonBon Cagayan de Oro.
