Usahay mas maayong mahibal-an ang kasysayan sa usa ka lugar ug kon nganong nahimu kining lugar na mahinumduman.
Niadtong Pebrero 2, 1998, usa ka McDonnell Douglas DC-9-32 nga gipanag-iya sa Cebu Pacific Air ang nahagsa sa mga bakilid sa Mount Sumagaya sa Claveria, Misamis Oriental,tanang 104 ka tawo nga sakay ang gibalitang patay sa maong pagkahagsa.
Ang pagkahagsa niadtong panahona ang ikaduha sa pinakagrabeng katalagaman nga naitala.
Sa akong pagsuroy nakit-an naku ang usa ka dapit nga makit-an sa tiilan mismo sa Mt. Sumagaya ang usa ka shrine park nga nagsilbing usa ka handumanan sa 104 ka mga biktima sa Flight 387.
Magkalain-lain man ang pag-asoy sa insidente nga nahitabo ug nadungog sa mga lumulupyo dinhi sa San Isidro pero nagpabilin nga magmalinawon ang lugar.
Ang pagbuhat sa Shrine nagsilbing dakong paghandum sa dakong panghitabo sa lugar nga dili malimtan.
Usa pod ka dakong hinungdan sa pagbuhat sa maong Shrine tungod nga kinahanaglan tahoron ug ihatag balik ang pagdamay sa subo nga panghitabo sa dapit ilabi na sa pamilya ug paryente sa mga biktima sa paghagsa sa abyon.
