Bangud sa i-Ball nga programa, Nagluyagay, Nagdayunay!”
September 4, 2017
By: RadyoMaN DJ Don Kamote
May sugilanon sadto nga kun ang Prinsipe maluyag sa ordinaryo nga babaye, ginakabig ini nga *“Fairy Tale.”* Pero pananglitan nga ang Prinsesa ang maluyag sa ordinaryo nga lalake, ini naman ang *“Taboo”* ukon ginadumili-an nga matabo.
Pero sa sini nga panahon, lain na gid katama ang sitwasyon. Ginpahapos na sang*“internet”* ang mga relasyon. Ini sarang na lamang mapasad o mabalay sa*“facebook”*, sa*“texts”*,sa *“messenger”*,kag sa bulig man sang *“instagram”* kag *“Twitter.”* Balewala kun taga-diin ka, ang importantemay*“ load”* o bala . . .
Tungod kay ang direksyon sang radyo bilang parte na sang kabuhi sang mga tawo amo ang paghimbon sa bag-o nga teknolohiya, ang programa sang *95.1 iFM Áng Best Friend Mo!*nga *“i Ball”*, nagasugod alas-9:00 sang gab-i hasta sa alas-12:00 sang tungang gab-i, nagabaton sang mga tawag halin sa mga tag-palamati kag gamit ang ila mga *“personal mobile numbers”* ginawaragwag ini sa kahangitan para man mapangitaan sang ila mga pares, bilang *“text friends” o “call friends.”* Tungod sini, madamo na ang mga nagkitaay, nag abyanay, nag diskuntentohanay kag may ara nga nagdayunay.
Gamit ang *“unli-load”*diri nag sugodang matahum nga *“Unli-Love Story”*ni *Analuna P.Villacrusis*kag *Jay-Ar U. Villacrusis*sang San Enrique, Iloilo. Mga maukod nga tag palamati sang *95.1 iFM “Ang Best Friend Mo!”* Naglapit ang balatyagon sa isa kag isa sugod nga sila ang nangin magka-*“textmates”* kuha ang tagsa nila ka mga *“personal mobile numbers”* sa programa nga *“i-Ball!”*
Wala magdugay nga magka *“textmates” *si *Annaluna* kag *Jay-Ar *kag nagdesisyon nga magkitaay. Tungod santo’ sa personalidad kag mga hilig sa kabuhi, ang duha nag-ayuhay kag sa malip-ot nga tini-on, nag-magkahagugma. Tungod kay sa Manila na nagtapos sang iya pag eskwela kag didto naman naga trabaho si *Annaluna*, nag-lisensya siya sa kay *Jay-Ar *nga magabalik didto. Wala nagpasugot si *Jay-Ar* sa luyag ni* Annaluna* tungod indi siya gusto nga maghilayuay pa sila. Wala sapayan nga may *“ticket” *kag may *“trip schedule”*na kuntani si *Annaluna*, wala na siya nagdayun pa sa paglakat sa Manila tungod nagpaandam si *Jay-Ar* sa iya nga i-*“log-out”*niya ang iya kabuhi diri sa kalibutan panaglitan mag-dayun ini.
Nabatyagan man sang dalaga ang pagkahangawa nga bayaan niya ang iya nobyo tungod sigurado naman siya sa iya balatyagon diri. Palangga nila ang isa kag isa, sabagay nga nag-desisyon sila nga magpakasal kag mapalaron man nga gin-bendisyunan sang ila tagsa ka mga ginikananang ila plano. Dugang pa ni *Annaluna:“Wala man ako naghinulsol sa akon desisyon nga magpakasal kay Jay-Ar kay sa iya ko man nabatyagan ang matuod nga pagpalangga.”*
*Agosto 10, 2017* – Petsa nga nangin makasayasayan sa kabuhi kanday *Mr.Jay-Ar U. Villacrusis* kag *Mrs.Annaluna P. Villacrusis*. Sila ang ginkasal bilang mag-asawa sa isa ka *“Civil Rites” *nga ginpatuman ni *Hon. Mayor Mediatrix “Trixie” Fernandez* sang banwa sang San Enrique, Iloilo.
Sugod sang ginasulat ining istorya, gina-preparahan na sang mag-asawa ang ila palaabuton nga kasal sa simbahan sini nga bulan sang Disyembre sa diin, mangin maninoy kag maninay nila ang mga *”Disc Jockeys”* o mga personalidad sang Numero Uno *(No.1 FM Station)* sa Iloilo. Daku gid ang kahilabtanan sang programa nga *“i Ball!” *sang *95.1 iFM Ang Best Friend Mo!* sa kabuhi sining mag-asawa. Bilang magka *“Textmates” . . . Nagkitaay . . . Nagluyagay . . . Kag Nagdayunay . . . Sa i!*
*#i Ball Love Story*
