Bantay sarado ro nagakasari-sari nga force multipliers sa Caticlan Jetty Port sa mga naga dungka nga barko sa lugar halin sa Batanggas.
Daya do ging hambae ni Jetty Port Administrator Niven Maquirang sa raya nga istasyon matapos sanda nga ging alerto ko Department of Agriculture (DA) kaangot sa mga gina transport nga manok ag itlog nga halin sa Luzon.
Nasayuran nga ko Dominggo hay may 6 nga ka tray nga itlog do na-intercept it mga taga animal industry sa Caticlan Jetty Port ag nasundan pagid ko adlaw it Martes nga halin sa Luzon.
Suno kay Maquirang insigida nga ging pabalik daya nga mga itlog sa Metro Manila bangod nga temporaryo anay nga ging ban do pag-suplay it itlog ag manok nga halin sa Luzon dahil sa naga padayon nga bird flu outbreak sa Pampangga.
Ging seguro man kara nga ro mga itlog ag manok nga gina daea sa Boracay hay safe ag bukon it halin sa Luzon bangod nga maabo magkunsumo do isla dahil sa mga free breakfast sa tagsa ka hotel.
Samtang ging hambaean eon ni Maquirang do mga shipping company nga kung may gina karga nga mga itlog o manok sa andang mga barko halin sa Luzon hay baeawan lang anay agod nga maging safe ro bilog nga probinsya ag ro Western Visayas.
