Temporaryo nga ginadili-an ang shipment sang mga poultry products ilabi na sang mga manok sa Western Visayas halin sa Central Luzon.
Ini kasunod sang bird flu outbreak sa pila ka mga lugar sa Luzon.
Ginpahayag ni Jonic Natividad, head sang regulator division sang Department of Agriculture, may memorandum nga ginpapanaug ang Department of Agriculture central office, nga nagabawal sang pagdeliver sang mga poultry products nga naghalin sa Luzon pakadto sa Visayas kag Mindanao.
Apisar sini ginpasiguro ni Natividad nga wala pa sang dapat ikaalarma ang mga pumuluyo sa Western Visayas bangud hilway pa ini sa bird flu.
Buot silingon, hilway pa ang tanan nga magkaon sang manok diri sa rehiyon 6.
