Davao City – Nanawagan ang Integrated Bar of the Philippines (IBP)-Davao City Chapter sa kapulisan nga paspasan ang imbestigasyon aron madakpan ug mapanubag ang anaa likod sa pagpamomba sa sakyanan ni Atty. Alberto Magulta sa Ecoland Drive, Corner Times Beach, Davao City niadtong Hunyo 15, 2023.
Sa opisyal nga pamahayag sa IBP-Davao City Chapter, hugot nila nga gikondena ang insidente o pagpanghulga sa kinabuhi ni Atty. Magulta.
Gipasalig usab sa organisasyon ang ilang hiniusang suporta aron nga makab-ot ang hustisya ug ang pagprotekta sa ilang kaubanang mga abogado sa dakbayan.
Sa pagkakaron, gipalawman pa ang imbestigasyon diin nagmugna na og Special Investigation Task Group (SITG) Magulta nga gipangulohan ni Police Colonel Alberto Lupaz, ang hepe sa Davao City Police Office (DCPO).
RadyoMaN Kirby Manzon
Facebook Comments
