Sa interbyu sa DXDC RMN Davao sa Tagum City Police Office, kini ang hinungdan sa pagkasikop sa upat ka indibidwal atol sa gikasang buy-bust operation sa Purok Rambutan, Barangay Visayan, Tagum City, Davao del Norte niadtong Hunyo 16, 2023.
Ang mga dinakpan mao sila alyas Michael, Amir, 33 anyos, pulos taga Sultan Kudarat, Maguindanao, Roel, 25 anyos ug Jay 23 anyos, pulos taga Tagum City.
Nakuha sa mga suspek ang mga pakete sa gituohang shabu ug mga paraphernalia. Gawas sa iligal nga droga, nakuha usab ang caliber .45 nga pistola nga adunay magazine ug mga bala, diin kini wala nagbaton og papeles.
Kasong paglapas sa Republic Act (RA) 9165 kun ‘Comprehensive Dangerous Drugs Act of 2002’ ug RA 10591 kun ‘An Act Providing Comprehensive Law on Firearms and Ammunition’ ang atubangon sa mga dinakpan.
RadyoMaN Kirby Manzon
