Tukuran, Zamboanga del Sur – Dead on arrival sa balay tambalanan ang usa ka ice cream vendor human kini nalumos sa usa ka resort sa Purok Bangus, Barangay Lower Bayao, lungsod sa Tukuran partikyular sa Paradise Resort kagahapon sa buntag.
Ang biktima giilang si FRECIANO ANTIQUINA SUMOHID, 53 anyos minyo, usa ka ice cream maker/vendor ug residente sa Purok De Jesus, Barangay Panduma, Tukuran, ZDS.
Sa imbestigasyon nasayran nga lango na matud pa sa ilimnong makahubog ang biktima sa dihang naghatud kini sa gi order nga ice cream sa usa sa mga customer sa resort.
Nasayrang nakit an pa ang biktima nga mipalit ug ilimnong makahubog sa wala pa kini malumos. Sigon sa asawa sa biktima, palahubog matud pa ang iyang bana ug daan na kining nagbahad nga magpakamatay.
Sa wala pa kini magdeliver ug ice cream ngadto sa iyang customer, misaad na matud pa ang biktima nga dili na kini mouli pa sa ilang balay.
Nadala pa sa usa ka personahe sa Tabak Division ngadto sa Manupac Doctors hospital (MDH),Labangan Zamboanga del Sur ang biktima apan gideklara kini sa doctor nga dead on arrival. PAdayun pa ang gihimong ocular inspection sa maong resort.
Nasayrang ang nasangpit nga resort ang walay emergency hotline numbers ug wala usab life guard nga nakaposisyon panahon kung naay malumos.
