Bukog na nga napalgan sa Purok 5, Brgy. San Vicente, Loreto Agusan del Sur ang usa ka magtutudlo nga na-missing sulod sa pipila ka mga semana. Pamahayag ni P/MSgt. Mohir Salas, PCR sa Loreto Municipal Police Station nga mismo ang igsoon sa biktima ang nikompirma nga ang iyang igsoon nga maestra ang napalgang patay sa lugar nga giilang si Cynthia Dubluis, 26 anyos nga residenti sa Waloe, Loreto, Agusan del Sur. Giila ang napatay sa igsoon niini tungod sa sapot ug pajama nga gisoot sa biktima. Dili pa usab matumbok sa kapulisan kung unsay gikamatyan sa biktima ilabina nga adunay nakitang kutsilyo tapad sa napalgang bukog sa tawo. Apan namahayag ang Loreto PNP nga makompirma lamang nila ang maong bukog sa tawo nga nakita sa lugar nga mao ang na-missing nga magtutudlo oras nga madawat na nila ang resulta sa DNA test nga gihimu sa Scene of the Crime Operatives (SOCO).
