Ginpasiguro sang Iloilo City Police Office (ICPO) nga wala sang dapat kahangaw-an ang mga pumuluyo sa implemetasyon sang kampanya kontra tambay.
Iloilo City – Gin-athag ni PSI Shella Mae Sangrines, spokesperson sang ICPO nga ila sawayon kag hingyuon nga magpauli sa ila tagsa ka mga balay angm ga nagatambay sa dalan ilabi na ang mga naga-inom sang makahulubog nga ilimnon.
Dugang pa ni Sangrines nga mahimo lang nila arestuhon ang mga tambay kon may mabayolar nga ordinansa ukon nakomiter nga krimen ang mga ini
Suno pa kay Sangrines nga wala sang quota system ang ICPO sa kampanya kontra tambay.
Tinguhaan man sang ICPO nga wala sang human rights violation sa nasambit nga implementasyon kag ila ginapangayo ang kooperasyon sang mga pumuluyo.
Nahibaluan nga nagtuga sang kahangawa ang kamatayon sang isa ka Ilonggo sa Novaliches Quezon City nga ginkilala kay Genesis ‘Tisoy’ Argoncillo sang banwa sang Concepcion sang gin-aresto sang Quezon City Police Office bangod gina-alegar nagbayolar sang Anti-“tambay” drive sang PNP.
( photo from web)
