ICPO nagpasalig nga wala sang organisado nga robbery groups sa syudad

51

SYUDAD sang Iloilo – Wala sang namonitor nga organisado nga robbery groups ang Iloilo City Police Office (ICPO) sa syudad sang Iloilo.

Subong man nakaalerto ang kapulisan sa tanan nga ti-on.


Suno kay ICPO Director Martin Defensor, kasunod sang natabu nga pagransack sang balaligyaan sang alahas sa sulod sang mall sa Bacolod, ginpadoble niya ang pagbantay sang kapulisan.

Nahibaluan nga ginsiling sang Bacolod City Police Office (BCPO) nga ginhimo sang martilyo gang nga ginabug-usan sang notorious nga Osamiz group ang pagransack sang Jewelry store sa Bacolod.

Pasalig ni Defensor, wala sang kaangay nga grupo diri sa syudad sang Iloilo.

Nahibaluan nga mismo si mayor Jerry Treñas ang nagtawag sa ICPO agud pabakuron pa ang ila siguridad kasunod sang natabu nga pag-atake sang martilyo gang sa Bacolod kun sa diin nakuha ang halos P4.5 million nga balor sang alahas.// via Joel Franco reports

Photo via Pulis Icpo Serbisyo Publiko

Facebook Comments

From Advertisers