General Santos City–Gikumperma karon ni Police Senior Inspector Fernando Manuel labaw sa Fatima Police Station General Santos nga ilaha nang nailhan ang mga suspek nga mipusil patay sa duha ka mga kabatan-onan kaniadtong milabayng adlawng Dominggo sa may Purok 20 Barangay Fatima Gensan.
Kahibaluan nga gipamusil patay sa mga riding in tandem criminals ang mga biktimang silang Jake Manduras Asoque, 21 anyos, residente sa Purok San Juan Calumpang og Joel Abapo, 20 anyos nga residente sa Purok Sampalok Barangay Calumpang Gensan sa mga riding in tandem Criminals samtang nangaon sa usa ka panimalay sa Uhaw Barangay Fatima.
Dugang pa ni Police Senior Inspector Manuel nga pagpanimalos ang usa sa mga nakitang motibo sa pagpusil sa mga biktima sa mga nakaaway nilang mga kalabang mga myembro usab sa mga batang Sukarap.
Aminado si Inspector Manuel nga nalambigit sa nagkalain laing mga iligal nga gimbuhaton ang mga napatay sa Barangay Calumpang og Barangay Fatima.
Sa pagkakaron dipa mahatag ni Manuel ang mga pangalan sa mga suspek nga nailhan sa ilahang gunit nga mga testigo sa pagkakaron. (Emir Bariquit)
