General Santos City—idlas matud pa sa mga otoridad ang suspect nga dinakpan sa buybust operation sa Police Station 4 nga nailang si Joel Olar Bugayong, 32 anyos, technician ug nanimuyo sa Purok Botanic Barangay City Heights ning syudad sa Heneral Santos.
Sumala pa ni PSI Ananias Vasquez ang hepe sa Police Station 4 nga dugay na nilang ginamonitor ang suspect apan idlas matud pa kaayu kini ug lisud palitan ug iligal nga droga, apan pinaagi usab matud pa sa tabang sa mga silingan sa suspect na sikop sa kapulisan ang nasangpit 11:40 ang takna niadtong milabay nga gabie kung diin napalitan kini ug usa ka sachet nga shabu ug nakuha usab sa iyahang posisyon ang lain pang sachet sa shabu ug buybust money.
Dugang pa ni PSI Vasquez nga naghitak nga pusher ang suspect sa maong lugar suspect hinungdan nga gikalagutan kini sa iyahang mga silingan sa ilahang lugar. (Dave Silagan)
