Davao City- Gigraduhan og 8.5 ni Davao City Police Office City Director Police Col. Kirby John Kraft ang kapulisan sa gilusad nga Simulation Exercise-Bomb Drill dinhi sa dakbayan. Matud ni Kraft, abtik nga narespondehan sa kapulisan ang insidente.
“Nakaresponde naman agad sila, na-cordon nila iyong area at na-control nila iyong mga tao at na-perform nila iyong gawain nila,” sumala niini
Giingon ni Kraft, duha ka mga managlahing IEDs, ang gipabusikad sa Davao Overland Transport Terminal (DCOTT) ug Bangkerohan Public Market. Malampusong nadakpan sa kapulisan ang suspek sa pagpamomba pinaagi sa description sa mga nakasaksi.
Gawas sa pagresponde sa ground zero nakatutok ang kapulisan sa parte sa imbestigasyon uban ang CIDG. Nagsilbing incident commander si Task Force Commander Col. Consolito Yecla ug kauban usab ang nagkadaiyang security units, ang PSSCC, CDDRMO, Central 911, BFP sa pagresponde sa IED bombing explosion drill.
RadyoMan Aimee Guinita
